أنا وخالتي

بيقولوا ان الظروف ممكن تغير من حياه انسان لكن هي الظروف ممكن تعملوا مچرم ولا الانسان مخير انه يمشي في الاتجاه الصحيح وما يعملش الغلط تحت بند ظروفي كانت كده
انا شريفه قصتي دي حقيقيه هحكي لكم اللي حصل وانتم لكم الحكم في النهايه نسيت اقول انا عندي 30 سنه ولسه ما اتجوزتش بيقولوا عليا عانس
شقه فاخره في الزمالك
صاحبه الشقه
شريفه خلصتي تنظيف
شريفه
ايوه يا هانم دعكت ارض المطبخ والحمامين الماستر وبتاع الضيوف وخليتهم بيبرقوا
صاحبه الشقه بتبص لها بقرف
غيري هدومك بسرعه ايه المنظر ده في ناس جايين دلوقتي يزوروني
الشريفه بحزن
حاضر يا هانم ما دي الهدوم اللي بنظف بيها
صاحبه الشقه
قلت لك كثير يبقى معاكي غيار نضيف شويه مش كل الهدوم مبقعه انت بتودي فلوسك فين
شريفه
ما هو انا دواء امي واخد كل فلوسي وايجار الاوضه
صاحبه الشقه بتقاطعها
هو انت ما بتصدقي تتكلمي ولا ايه انا مش عايزه اعرف ظروفك انت بتشتغلي وانا بديكي مرتب وبقول لك خلي هدومك نظيفه شويه حتى علشان صحتك وشكلك
وبعد المغرب خرجت شريفه بعد ما تهد حيلها في تنظيف الشقه
ركبت كذا مواصله علشان تروح الحته اللي هي ساكنه فيها مكان مهمش على خريطه العاصمه من العشوائيات زي ما بيقولوا
واول محطه رجليها في الحته ودخلت
احمد
مساء النور يا خالتي
شريفه
خالتك ايه جاتك القرف اهو كلمه خالتي دي اللي موقفه سوقي
احمد بيضحك وبيطلع السېجاره من بقه
ماشي يا خالتي اقصد يا شريفه ههههههه امي قاعده عندكم شوفي لنا بقى حاجه نتعشى بيها كمان شويه
شريفه
هو انتم ما بتفوتوش يوم غير لما بتيجي تطبوا علينا وانا لازم آكلكم ما انت معاك في جيبك فلوس قد كده
ضحك احمد وسابته ومشيت دخلت بيت قديم جدا الشبابيك وكبيره وساندينها بعواميد خشب
شريفه اتكعبلت وهي داخله في السلالم المكسوره
يا رب هو بس مين سرق اللمبه من هنا هو انا كل ما اجيب لمبه تتسرق
دخلت شريفه اوضه جنب السلم اوضه كبيره لكنها ضلمه والحيطان مشققه وفي السقف بيوت العنكبوت ولا كانها من 100 سنه
امها
بنت يا شريفه مالك هو انت كل يوم تيجي لنا بالغاغة بتاعتك دي
شريفه
اعمل ايه ياما كل ما احط لمبه علشان ما تكعبلش في السلالم المكسوره اجي الاقيها مسروقه توب علينا يا رب من الحته دي
اختها ام احمد وهي حاطه السېجاره في بقها
وهيتوب ازاي يا اختي وانت منشفه دماغك
شريفه بتحط الكيسه اللي جايباها على ترابيزه مسنوده على الحيطه علشان بثلاث رجلين
بصي ياما جبت لك ايه في الكيسه دي النهارده الهانم كانت عامله بفتيك ورز بسمتي بالمكسرات وايش مشمر وايش محمر جبت لك منه
ام احمد
ياما جاب الغراب لامه ما الاكل يا اختي كله فوق بعض
شريفه وهي عامله نفسها مش سامعه اختها
حامله لك طبق ياما واجيبه لك لغايه عندك
امها
لو في عضم شيليه لي

ايه المره اللي فاتت ۏجع لي السنتين اللي فاضلين لي
شريفه
حاضر ياما انت عارفه الهانب اللي بشتغل عندها رمه بتهدي طول النهار ما بتحطيليش حتى طبق اكله بستنى لما بلم بعدها هي وجوزها وعيالها اللي فاضل منهم
ام احمد
يا اختي هي الناس دي مصرفه كده ليه ده انت جايبه كيسه مليانه هو الاكل بيتحط وبعد كده بيترمى عندهم يا بخت القطط يا اختي بتاعتهم
شريفه
هي قطط بس دي قطط وكلاب وجديد مودي ابنهم جايب تعبان كبير بيربيه في اوضته وحطه في حوض قزاز والنبي بخاف ادخل انظف الاوضه
ام احمد وهي بټضرب بايديها على صدرها
يا عيني عليك يا اختي وجايه عليك بايده كله وفي الاخر كملتوش وشويه اكل من بواقي السفره عندهم ومرتب عدمان
شريفه
بقول لك ايه يا ام احمد ما لكيش دعوه بيا انا وامي اللي كان ما بينا ماټ
ام احمد
هو انا كل ما اجي تفكريني ان احنا مش اخوات شققا واخوات من الاب بس
شريفه
انت قاعده هنا وابنك واقف بره عمال يتحنجل لي عاوزني اشتغل معاه يعني انا اشتغل ايه نشاله بعد السن ده كله اركب الاتوبيسات واحط ايدي في جيوب الموظفين الغلابه
احمد دخل
هو ده اللي تعبك يا خالتي الموظفين الغلابه يا ستي بلاش نروح ننظف التانيين ونقشطهم ما انت بتيجي من عندهم اهم وبتسلكي كل حلوين حاجه
شريفه بتتلخبط في الكلام
مش فاهمه انت بتقول يلا
احمد
البنت فهيمه مرسياني على الدور ما انت كل يومين ثلاثه جايبه لها اشي قلم احمر اشي قلم كحل اشي قزازه كولونيا من المستورده دي نصها فاضي ونصها مليان كشاكيل جميله قمصان فانلات يعني انت يا خالتي بتروحي تقشطيهم على الخفيف خفيف يعني
شريفه
ملكش دعوه بيا خليك في حالك انا ما باخدش حاجه جديده من هناك اسرقها انا باخد اي حاجه قديمه وراكنينها على جنب
احمد
يعني عاجبك الاوضه المعفنه اللي انت عايشه فيها ايه دي في ايدك وترسيني على بيوت اصحاب الهانم وانا اقوم بالواجب
شريفه
انت اتهبلت دي فيها كلبوش وانا اول واحده هيمسكوني
احمد
خلاص بلاش تاخدي لك كم بنت من عندنا كده انظفهم لك وتاخديهم تشغليهم في البيوت انت ما لكيش دعوه انت بعيده وهم هيقشطوا اللي ايديهم تطوله
شريفه
انت مچنون يا احمد انا خالتك 
احمد
وفيها ايه بس
شريفه
هو ايه اللي فيها ايه انت مچنون اللي بتطلبه ده مستحيل يحصل
احمد
ليه مستحيل
شريفه
انت عارف كويس ليه وبعدين انا مش كده واصلا انا خالتك
احمد
ما تكبريش الموضوع احنا قريبين من بعض في
شريفه
حتى لو اللي بتطلبه ده مستحيل يحصل
احمد
لا مش مستحيل وانت عارفه اني عاوز كده من زمان وملاحظه كمان
شريفه
ايوه ملاحظه بس بقول ده طايش وبكبر دماغي منك
احمد
حتى لما حصل اللي حصل كنت بتكبري دماغك
شريفه
ما حصلش حاجه ومش هتتكرر
احمد
على فكره انا مصمم ولازم اعمل اللي انا
شريفه
ما تبقاش مچنون بجد هزعل منك
احمد
عادي و

هصالحك
شريفه
احمد ابعد عني بقول لك
احمد
لا
شريفه احمد عشان خاطري ابعد
احمد
اللي بقوله ده علشان مصلحتك ومش بقلل منك انا بقول لك عاجبك العيشه اللي انت فيها انت وامك
شريفه
مش عشان مره مديت ايدي وانت عرفت خلاص هتمسكها ذلة عليا عملتها وندمت
ام احمد بتدخل في الكلام
بقول لك ايه يا اختي لو انت مش عايزه وخاېفه ما كنتيش عملتيها سابق احمد قال لي ان هو صرف لك الحاجه اللي انت جايباها وخدتي منها قرشين حلوين
شريفه
قلتي لي بقى وانت جايه تاخدي نصيبك
ام احمد
ما قلت لك احنا اخوات وعايزين مصلحتك تاخدي البنات تنظفيهم وتنجريهم وهو بدل ما يشحتوا في الشارع يتعلموا التنظيف في البيوت وبالمره ينظفوها من كل حاجه
احمد بيضحك
ايوه ياما صح ما هو لما حيقشطوها برده
شريفه
بقول لك ايه يا احمد ابعد بعيد عني انت والعصابه اللي انت عاملها ملموم لي كده على كم عيل على كم بنت وبتسرحهم يشحطوا في الشوارع
احمد بيضحك
فشرت يا خالتي احنا برده وش شحاته دول يا دوبك بياخدوا اللي في الجيوب خفاف خفاف
امها الۏجع زاد عليها
بقول لكم ايه انا عندي صداع وجسمي واجعني تعالي ادعكي لي رجلي يا بنتي جبتي لي المرهم
شريفه
قلت للست النهارده تديني حاجه من تحت الحساب لكن قالت لي لا اول الشهر قرب
امها
مش بتقولي اختها ست كويسه وبتديكي فلوس
شريفه
اه والله ياما ست ولا كل الستات طيبه وحنينه ما اعرفش الثانيه دي اختها ازاي لكن بقى لها شويه كده ما بتجيش
امها
طب والعمل ده انا رجلي بتنقح عليا يا بت
احمد
قلتش انا حاجه بقى
شريفه قعدت جنب امها وهي حاطه ايديها على خدها افتكرت اللي حصل النهارده لما صاحبه الشقه اللي بتنظفها عيبت عليها وعلى هدومها مع ان الست دي اصغر منها في السن وكمان مش حلوه زيها ولا تكون غيرانه منها علشان احلى منها
اختها
انا عملت الشاي خدي الكوبايه بتاعتك
شريفه
مش ناويه تطرقينا انت وابنك بقى انا عايزه ماده جسمي وانام انا باجي تعبانه ومهدوده
احمد
بصي يا خالتي انت مش هتعملي حاجه ولا هتمدي ايدك على حاجه عندي بنتين هشيلهم من كارالشحاته واحطهم في كار النشل والسړقة وهو كده هيلبسوا نضيفوا ويتنجروا شويه
شريفه
انعم واكرم ودي بقى اكيد فيهم حبيبه القلب بتاعتك
احمد بيبرق لشريفه
بقول لك ايه لحبيبه قلبي ولا مش حبيبه قلبي ده شغل وكل بنت فيهم شايله عيله كامله بتصرف عليها
شريفه
هتقول لي عيله من البلطجيه والحراميه فاهمه فاهمه ما انا عارفه البنات دول
احمد
بقول انت عايزه تجيب الدواء لامك هناخد البنتين وننظفهم بحته هدمه حلوه وبعدين تاخديها للراجل المخداماتي اللي شغلك عند الست دي وتقولي له انهم من طرفك وعايزين يشتغلوا وانت ضامناهم برقبتك
شريفه
ورقبتي دي اللي هتطير بعد ما يروحوا يسرقوا في البيوت
احمد
مين قال لك بس يا خالتي ان هم هيسرقوا دول عايزين ياكلوا لقمه بالحلال
 
وهيعملوا زيك بالظبط خفيف خفيف
وبعد يومين استناها احمد على نصيه الحاره ومعاه بنتين واحده عندها 18 سنه والثانيه ماشيه في العشرين اخذتهم وهي مجبره ووديتهم لمكتب المخداماتي اللي هوانم الحتت الشيك بيطلبوا منه الخدامات
راحت المكتب وسلمت على اللي قاعدين
شريفه
السلام عليكم يا استاذ شوقي
شوقي
مين شريفه ازيك ايه اللي جابك هو انت سبتي البيت اللي وديتك فيه
الشريفه قعدت على الكرسي اللي قصاده والبنتين واقفين جنبها
مين قال ما انا فيه من ساعتها بس جايبه لك البنتين دول نقوه ايديا نظافه وامانه لهليب في النظافه
شوقي
اقعدوا يا بنات انتوا واقفين كده ليه
البنتين قعدوا بعد ما بصوا لبعض وابتسموا ابتسامات خبيثه
شوقي
بنت حلال يا شريفه دايما لسه في بواب عماره بيقول لي الشقه عندهم اتباعت وسكنها سفير ومراته ومش من بلدنا وعايزين بنت تنظف لهم البيت وتجيب الخضار اما الطبيخ وهم معاهم واحده من بلدهم هي اللي بتطبخ
شريفه
بقول لك ايه يا شوقي البنتين عندك اهم رسيهم على اللي انت عايزه وهم شاطرين
شوقي
بقول لك ايه يا شريفه اي غلطه فيها كلبوش يا اختي انت ضمناهم
شريفه بصت للبنتين وافتكرت كلام احمد لما قال لها ان هم مش هيضروها في حاجه قول لهم مش رايحين للسرقه وهيعملوا زيها الحاجات اللي اصحاب البيت مش بيفتحموها وممكن ينسوها هي بس دي اللي هتتاخد زي ما هي بتعمل زي الشامبو نصها فاضي شاور صابون معجون سنان شويه توابل الشرابات حته ملابس نظيفه حاجات تتسحب من البيت من غير ما حد يحس
فاقت شريفه على صوت شوقي
ها يا شريفه بقول لك ضمناهم
وبعد شهر كانت شريفه واقفه في القفص في المحكمه ودي كانت اول جلسه بعد ما البوليس قبض عليها والبنتين سرقوا البيت اللي راحوه وهربوا
ضحكت شريفه وهي واقفه في القفص
ايوه ضمناهم واديني اخذت على دماغي
كان واقف احمد معاها في نفس القفص بيبص لها بغل بعد ما ارشدت البوليس عنه
احمد
ماشي يا خالتي لو ما كنتيش خالتي كنت حزنتك على عمري لكن انا معلش اي اثبات شويه وهخرج من هنا واشربي انت بقى يا خالتي
دخل الحاجب بيعلن عن دخول القاضي
الحاجب
محكمه
هي دي حكايتي وانا هو واقفه في القفص مستنيه هيحكموا عليا بايه
تمت
أخبار عاجلة

#كل المقالات

أخبار عاجلة

#كل المقالات

أنا وخالتي

وصفات طبيعية لجعل شعرك أكثر جمالًا

الإيكيغاي: كشف غموض هدف الحياة والإشباع لرحلة ذات معنى

كايزن: السعي المستمر نحو التحسين والتطوير

اتجاهات التغذية والأساطير الغذائية

قوة العادات من كتاب: العادات الذرية

علم نفس المرونة: الازدهار في وجه الصعوبات
